May 27, 2006-6:00 a.m.

BALITA>>>

PROCUREMENT SEMINAR NG MGA BARANGAY OFFICIALS SA DAVAO
DXUP Balita-Nancy Lawan-Anchor & Field reporter

Upi, Maguindanao – Handang –handa na ang mga opisyales ng barangay sa nalalapit na Procurement Seminar mula May 28-30, 2006 sa gaganaping sa Royal Mandarin Hotel, Davao City.

Ang dadalo sa seminar ay ang 35 barangay ng Upi, Maguindanao, ang Chairman, Treasurer, Secretary, 1st Barangay Kagawad at ang SK Chairman.

Kabilang din sa nasabing seminar ang dalawamput isang municipyo sa lalawigan ng Maguindanao. Ang ilan sa mahahalagang tatalakayin ay ang Canvassing, Disbursing at Budgeting ng mga barangay.


May 27, 2006-6:20 a.m.
BALITA>>>

Daga umatake na naman sa Barangay Lamud, South Upi
DXUP Balita-Noralyn Laguey Bilual- Field reporter

South Upi, Maguindanao – Umatake na nman ang mga maperhuwesong daga sa mga pananim ng mga magsasaka sa barangay Lamud, South Upi, Maguindanao. Ito ang inireport ng isang magsasaka sa nasabing barangay, na sa tuwing tag-ulan ay Madalas silang inaatake ng maliliit na daga, at kinakain ang kanilang mga mais.

Sinubukan na nilang maglagay ng lason sa daga ngunit hindi pa rin napipigil ang mga daga, dahil bibihira ang kumakain sa pain.

Ang maliliit na daga na ito ang madalas na naging problema ng magsasaka sa Upi at South Upi, taon-taon at hindi basta natutunton kong saan naglulungga ang mga mapesteng maliliit na dagang ito upang sa gayon ay mapuksa.