BALITA>>>

Kababaihan nagpakitang gilas sa "Womens & Children's Night"
Mula sa Balita ni Noralyn Laguey Bilual- DXUP FM Balita-June 7, 2006 6:45 p.m.

Nuro, Upi-Nagpakitang gilas sa pamamagitan ng pagsasayaw ng mga katutubo at makabagong sayaw ang mga kababaihan sa "Women's and Childrens' Night" kagabi June 6, 2006, sa municipal gymnasium.

Una nilang ipinamalas sa maraming manonood ang mga Bangsamoro women sa kanilang kulintang esemble, sumunod ang T'duray na sayaw ang Setayan dance, pagkatapos ang Bangsamoro youth na kasingkil at kapamalong sa inaul. Pinaka finale ang pinaghalong T'duray at "modern" na sayaw na kasama ang unang ginang Amelita Piang.

Kaugnay ng nasabing balita, may commentaryo ang anchor ng programang "Kapayapaan" na si Kaka ali:

"Sa lahat ng nagpalabas mula June 1 hanggang June 6 ang gabi ng kababaihan ang nakapasa para sa akin". ito ang inihayag ng program director ng DXUP FM na si Alih Anso.

At naging paksa rin sa radio program "kapayapaan" ang kahalagahan ng kababaihan, bilang parangal sa magandang palabas na kanilang ipinamalas sa sambyanan ng Upi.