BALITA>>>

Kabutihang loob, taglay pa rin ng taga Upi?
Sinulat ni Lenyrose Bajar

Nuro, Upi-Pinatunayang muli ng isa sa mga mamayan ng Upi ang pagpapakita ng kabutihang loob ng isauli ng isang ginang ang natagpuang celphone na Nokia 3310.Napulot ni Ginang Susan Mondia mga banda alas 4 ng hapon, June 28, 2006, sa may kahabaan ng Rizal boulevard, Nuro ang nasabing celphone at dahil sa kagandahang loob at pananamplataya sa Diyos ay agad na dinala sa DXUP FM.

Agad namang ipinapanawagan ng mga DXUP staff na sina Donald Ventura at Lenyrose Bajar sa himpapawid at nagkataon namang napakinggan ng nawalan ng celphone na si Mr. Maynard Usares, habang sila ay nag-mimirinda sa may 8J's bakeshop.

Halos di makapagsalita sa tuwa si Mr Usares habang ininterview ni Donald, kong paano nawala ang kanyang celphone at nasabi niya na napakaganda ng mga taga Upi, dahil nandito pa ang kaugaliang minana pa sa ating mga ninuno.