BALITA>>>

Kabayo lamang ang taga-hakot ng produkto ng taga Nangi?
Mula sa Ulat ni Nancy Lawan

Nuro, Upi-"Mahal ang pamasahe sa kabayo,ngunit wala kaming magawa, ito lamang ang nalalabing paraan, upang maibenta ang aming mga produkto" ilan lamang ito sa mga pahayag ng isang residente ng sitio Romagonrong, Barangay Nangi na si Gingging Bilual. Ayon pa kay Bilual ang bayad sa isang sako ng cabs ng mais, mula sa kanilang sitio papunta sa suki nilang bodega na nasa Barangay Borongatan, na may layo na 3 kilometro lamang ay umaabot ng 35 piso bawat sako at kong grano naman ay 60 piso bawat sako.

Ang problema sa paghahakot sa produkto ng mga residente na palaging nararanasan ng mga residente ng mga barangay sa Upi, lalo na kong panahon ng tag-ulan, ay dahil sa kawalan ng maintenance ng mga barangay roads na hindi na pwedeng dumaan ang mga sasakyan.

Kabayo ang sinaunang (traditional) gamit ng mga T'duray na sasakyan at ito ay epektibo pa rin lalo na't ganitong panahon ng tag-ulan, ang tanging problema lamang dito ay may kamahalan ang singil at mabagal ang paghahakot ng mga produkto. Dahilan ito na hindi nakakabawi ang mga magsasaka, dahil malaki ang porsento ang napupunta sa pamasahe lamang ng kanilang mga produkto.