News>>>

Congresswoman Bai Sendig Dilangalen nangakong maglalaan ng pondo para sa proyektong housing at gym ng Upi.
By: Baimon Abdullah

Nangakong maglalaan ng pondo para sa proyektong housing at dagdag na pondo para sa gymnasium ng Upi ang butihing congresswoman ng 1st District Maguindanao at Cotabato City, Bai Sendig Dilangalen. Ito’y bilang pasasalamat sa walang sawang suporta ng mga mamamayan ng Upi sa kanya at sa kanyang asawang si dating congressman Atty. Didagen"Digs" Dilangalen.

Idinagdag pa nya na maging ang mga sangguniang bayan ay paglalaanan din nya ng mga proyekto. Tututukan di aniya ang edukasyon para sa mga T'duray sa pamamagitan ng National Commmision on Indigenous Peoples (NCIP) upang maraming makapagtapos at magkaroon ng magandang kinabukasan.

Samantala, patuloy umanong lilingon at lilingon sa Upi ang naturang kongresista bilang pagtanaw ng utang na loob sa mga Upians. At kanyang tinapos ang talumpati sa kasabihang ang taong di di marunong lumingon sa pinanggalingan ay di makakarating sa paroroonan.