NEWS UPDATE>>>

BOMBA SUMABOG SA SHARIF AGUAK, MAGUINDANAO
Sinulat ni Alih Anso-Flash Report DXUP FM 10:30 am 6/23/06

Lima katao ang namatay sa malakas na pag-sabog sa may terminal ng Sharif Aguak, Maguindanao, kaninang mga alas siyete y media ng umaga. Sa ulat ni Dodong Tieves sa DZRH mga bandang alas ng umaga June 23, 2006 ay dalawa ang nakilala sa 5 kumpirmadong namatay, ay ang pamangkin ng Gobernador ng Maguindanao na si Datu Andal Ampatuan na nagngangalang Kamlon Ampatuan at Ed Mangansakan samantala 7 ang naiuulat na nasa mga pagamutan.

Sa ulat ng Maguindanao-PNP, lumalabas na itinanim ang bomba sa loob ng isang multicab na nakahimpil sa naturang terminal kung saan nadamay din ang ilan pang nakaparadang sasakyan doon. Patuloy pa rin iniimbistigahan ng Kapulisan ng Maguindanao ang mga pangyayari.

Ayon pa rin sa ulat ni Tieves, ay maaring napagkamalan ang sasakyan nina Kamlon dahil halos kapareho ng sasakyan ng gobernador.