Feature>>>


"Sinumagad a Lanon a Minukit a Langkono"
Ni Kaka Dimasalang
(Copy of letter - Mama a Talainged dated August 12, 2005)

August 12, 2005

Kaka Dimasalang,

Salam salkano langon san sa DXUP fm, labilabi den san salka kaka dimasalang, kataw ko mambo na kapakikineg bo I laki kano nan a mapiya a pakaragian no a iningalan no sa "sinomagad a lanon a minokit alangkono, ugaid sabap uman magabi na sapto na pakakineg ako sa mga sulat o silan anto a mga talainged, a panodtolen nilan so kanilan a nasagad sagadan a manga nangaokit okitan na dala ko makategel na nakapangilay ako sa kalatas a mapoti endo bolpen ka mipanat panat ko mambo igolis kano ento a kalatas a mapoti so lekami a nangasagaadan endo nangaokit okitan, a dili mawagib a lipatanan, ka madadag so malatabat endo mabinasa so Ummah Islamiya, sabap sa aden makowa lon a mga pandowan o mga ngoda tano sagona a mga timpo a pesolapak sa inged a dala den bensa nin. Sarta Kaka Dimasalang na tawag sa gagalo kano laki a patogina a si Mama a Talainged, siya ko pendalpa sa Upi sagona iganat pan kano lagon a 2001. So niya a laki a naukit ukitan na ep pon en kano kinaoli nami sa dalpa sa super market sa Bandar Kutawato (Cotabato City) kano ragon a 1995, nakauli kami siya sa super market ganat sa Datu piang sabap kano kinaatak kala ama no tantatala no parinta atawa sundalo no goberno no pilipinas, ugaid sabap sa malo malegen so kapaguyag siya sa bandara kutawato ka kapelabor atawa kapanapowat sa mga kargamento ganat endo pawang sa pagadian city. Sabap sa ento a timpo na iya congressman na si Atty Michael mastura endo iya presidente na si Ramos na aden bityala sa Moro Islamic Liberation Front (MILF) na malo mapya I kapangangawig sa dalpa a iningalanan sa Bembaran, na saguna na nalayaman den sa tawag a Camp Abubacar a Siddiq, na iya napagayunan ni ina endo ama na muli kami lo ka, aden kon bon a eskuwelan endo madraza sa lodep a kampo. Kanomona na dili pekiyog si ina ko ka delikado kon sa camp abubacar ka apay ngin a a kotika na ataken na goberno, ugaid sabap sa madakel den I inaden a project no goberno na pilipinas sa lodep a kampo no milf na nakapalitayaya si ina sa benal a dili den maawg so ento a dalpa. Ka pesementuwan den no goberno na Pilipinas, so epelodep sa sa Camp Abubakar, pinataguan den sa electric no Magelco,, aden madakel a project makapantag sa kapangangawid, taman man sa gatusan ka ekatrya so mangga, endo durian sarta na apay lo den kano compound ni Al Murad Ibrahim, kano ento a tempo na sekanin pan I mapolo no Bangsamoro Islamic Armed Forces - BIAF ,na pinataguan no goberno na pilipinas sa solar power thru Speaker Joe De Venecia, taman man sa inipayag no no goberno na pilipinas sa radio, endo newspaper I dili nilan binasan so ento a kampo no MILF, sabap lo na minoli kami den lo sa Camp Abubacar, ka sinomalig kami den , na Al hamdullillah, benar a mapya so kapangangawid lo, ka so kamais na mapya I kaapengngetuwan nin, sarta na nakapangagi ako sa pan English ka aden eskuwelan lo sa lodep a kampo, pagobay no Uztadz Bides Memorial Academy, na aden pan madraza, Kaka Dimasalang, tanto den a napiya na ginawa ni ina, ka nakaaden pan sekanin sa negosyo, ka migkape sekanin kaped so mga kaka ko a mga babay, na sabap siya Kaka Dimasalang na mapiya den so kapagoyag nami, na malo den mapya ka so langon no mga pagali nami a pembisita sa ento a kampo na lo den silan pegkapi sa lekami. Si ama manem na nakatun sa partida nin a talainged kano ento a dalpa a iningalan sa Barira, lo kano mga pagali tano a Iranon, na pinamasan nilan sa kalabaw endo dado ,endo pakalas si a ama, sarta na aden bon pamoko sa kamais lo sa lodep a campo. Taman man sa dala mauget Kaka Dimasalang na aden napamasa ni ama a lupa ganat kano lupa no mga Iranon, a andang den pendalpa sa ento a dalpa, iya nin kaulad na pat ka ektarya, na pinamolan ni ama sa mga pamumulan atawa prutas a ganat sa Deparmentt of Agriculture- DA so dowa ka ektarya lon, na so dowa ka ektarya manem na saging, sa inatag nin sa durian. Mapiya den I kapangengetuwan so ento a mga pinamola, ugaid matag nakasalagon pan I omol no ento a mga pinamola ni ama na inatak so Camp Abubacar na sundalo ni Presindente Erap, niya ba so lagon a 2000, so "all out war" ni erap kano MILF. Sabap siya Kaka Dimasalang na nakambakwet kami sa dala makatoganola, labi labi den endo den olog so eroplano sa bomba a masalig, a ingalanan sa international bomb kon I ngalan nin, na tanto den a nangandam si ina, taman sa nagilkan den so mga ali ko sarta na pedtalo den no mga MILF mawa kami den a mga civilian ka "break" den so cease fire no MILF endo goberno no Pilipinas ka dala toman sa kapasadan so goberno na Pilipinas, sarta Kaka Dimasalang na dili ka den makakinega sa beto na stok ento masingggan endo bomba ganat sa eroplano a OB 10. Sabap siya na naganatan nami so walay nami, so dala malolan kano kadosa ni ama a gamit nami na natagak den kano walay nami, ugaid na apay so kalabaw nami na napasa bon ni ama sa seged bo a kulta, sabap sa endo dala den kakan nami ka dala den supply no goberno kano bakwetan sa dalpa sa padang padang atawa Parang Maguindanao, na iya napasadan ni ina endo ama na pasan nilan so ento a kalabaw. Endo dala den kulta nami salta na dala den pakauma a supply sa lekami na aden a pagali ni ama a taga upi, sa nadtalo nin I mapya I kapaginged lo sa Upi, na minalat kami siya, na Alhamdullillah, ka aden napaltida ni ama, a aden lupa nin endo kalabaw nin. Iya bo lido na ginawa ko Kaka Dimasalang na nakadigka kami mangagi sa mga losod ko aniya sa tiyan mangagi, ka sabap kano kapasang a kapagoyag na iya ko penggola na petabangan ko si ama sa kapangangawid, sarta na malo mawatan so eskuwelan salkami, aden Kaka Dimasalang na sabap sa kapasang a kapagoyag na makaisa kami bo makakan sa sagay, ka aden antona makapelagon atawa makaharvest kami na dala katago lon nina ina ka naibped den, ka nakautang den si ama sa bodega, na aden anto na malo pan I kapamoko no bodega na dili kami pakapangilay sa kaped ka aden utang ni ama kano ento a bodega. Samaya Kaka Dimasalang na mapasang den I kapaguyag nami, langon kami na dala den pakapangagi lon sabap kano masimpit a kapagoyag.

Siya bo taman so niya a laki a solat, lila ako KakaDimasalang kano niya a laki a solat. Insha Allah na sumpatan ko bo so niya a laki a sulat.

Wassallam

Midsulat Mama a Talainged
------------------------------------------------------------------------------------------------
("Sinumagad a Lanon a minokit a Langkono" ni Kaka Dimasalang, in which listener sent thier letters and to be read every Friday, a segment of radio program "Suara Talainged" [voice of the native inhabitants] aired from Monday to Friday in community radio DXUP FM-Upi for Peace, 105.5 MHz- a program of our brother Bangsamoro)