OPISYAL NG ARMM AT DRIVER NITO PATAY SA AMBUSH SA COTABATO CITY
DXUP BALITA
(6:30-7:00 Umaga-Lunes-Sabado
Lenyrose Bajar-Newswriter & Newscaster
October 5, 2006)

PATAY SA PANANAMBANG ANG ISANG MATAAS NA OPISYAL NG AUTONOMOUS REGION IN MUSLIM MINDANAO KASAMA ANG DRIVER NITO SA COTABATO CITY. NAKILALA ANG MGA BIKTIMANG SINA ATTORNEY ARNEL DATUCON-PROJECT MANAGER NG ARMM SOCIAL FUND AT ANG DRIVER NITONG SI MIKE MOKAMAD NA NAGTAMO NG TAMA NG M16 RIFLE SA IBA’T IBANG BAHAGI NG KATAWAN. SA INISYAL NA ULAT, LUMALABAS NA HABANG SAKAY NG KULAY ASUL NA MITSUBISHI PAJERO ANG MGA BIKTIMA SA PARANG ROAD NOTRE DAME AVENUE, COTABATO CITY AY DALAWANG NAKA-MOTORSIKLONG LALAKI ANG TUMAPAT AT AGAD SILANG PINAGBABARIL GANAP NA IKA WALO AT KALAHATI NG UMAGA,OKTUBRE A KWATRO TAONG KASALUKUYAN. NAGSASAGAWA NA NG FOLLOW UP OPERATIONS ANG MGA OTORIDAD UPANG MATUKOY ANG MOTIBO AT UTAK SA KRIMEN.